Uren, Doagen, Moanden, Joaren. Nieuwe Boskloppertrack!

Uit de Archieven van Gradus J. Bosklopper vandaag een nautische ballade met invloeden van Homerus.

 

[bandcamp width=100% height=42 track=2197469881 size=small bgcol=333333 linkcol=0f91ff]

 

Uren , doagen, moanden, joaren
wacht ze al op hom
mor wel duurt t heur te zeggen
hij komt nooit weerom
tussen t blond al grieze hoaren
zun mooie vraauw allain
mor hij wol voaren op de wilde boaren
vertrok mit stille trom

 

ainzoam stoat ze op de kaande
stoarend noar de zee
zij is t schip dat e achter zug verbraande
dat is wat e dee
alle buren spraken schaande
van heur en t leutje wicht
dijzulfde grelle blaauwe ogen
n kind as n gedicht

 

manvolk ston zug te verdringen
bie heur achterdeur
mor gainaine kwam doar binnen
doar zòrgde zij wel veur
en de joaren dij verstreken
regen zug anain
mor zij leufde in heur laifde
en bleef laiver allain

 

he, heur hondje stait te belken
noar n zeeman mit n board
dij mit grelle blauwe knikkers
heur in ogen stoart
sikkom was e heur verzopen
op n verre, vrumde kust
mor niks is staarker den de laifde
woarop Poseidon’s zegen rust

 

 

 

 

Site design: Digital Magician