Het Rad van Kokeleko sprak ‘Stukkend’.
Dat leverde een enigzins beklemmend liedje over een domninee en zijn dochter op.
Luister hier
[bandcamp width=100% height=42 track=187705760 size=small bgcol=ffffff linkcol=0687f5 artwork=none]
Domnees Dochter
Hai vouwt zien haanden/vroagt om zegen
op boeten sloat de regen
al urenlaank n ritme tegen t roam
Gain aine sprekt hom tegen
en wieder wordt der zwegen
drai minsken aan n toafel mor nait soamen
Tis heur gehaim en dat van hom
as zai vot is komt t nooit weerom
noa vandoage ligt de wereld veur heur open
Hai kiekt heur daip in ogen
zwaart en haard/gain mededogen
n duvel in n pak van laive Heer
En dammit zel e preken
en van genoade spreken
vandoage wordt t veur heur de leste keer
Tis heur gehaim en dat van hom
as zai vot is komt t nooit weerom
noa vandoage ligt de wereld veur heur open
En over alles zel ze zwiegen
mor spiet zel ze nait kriegen
vandoage was t veur heur de leste keer
